“Qalatasaray”ın hücumçusu Mauro İkardi ilə keçmiş həyat yoldaşı Vanda Nara arasında problemlər bitmək bilmir.
Lent.az Apasport.az saytına istinadən xəbər verir ki, argentinalı forvard indi də klub rəhbərliyini məsələyə qatıb.
İkardinin PSJ-dən “Qalatasaray”a icarəyə verilməsinə vasitəçilik edən Nara keçid baş tutduqdan sonra ondan ayrılıb. Ancaq “cim-bom” bu transferə görə Vandaya 1 milyon avro menecerlik haqqı ödəməlidir.
İkardi rəhbərliklə görüşərək, artıq Naranın meneceri olmadığını bildirib və həmin pulu ona verməməsini istəyib. Yalnız bundan sonra “sarı-qırmızılılar” Vanda Naraya verdiyi çeki bloklayıb.
Qeyd edək i, Mauro İkardinin “Qalatasaray”la icarə müddəti mövsümün sonuna qədərdir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
