“Əl-Nəsr”in hücumçusu Kriştiano Ronaldo Asiya Çempionlar Liqasının final mərhələsində “Şabab Əl-Əhli” ilə oyunda (4:2) hakimi tənqid atəşinə tutub.
Lent.az xarici mediaya istinadla bildirir ki, fasilə üçün fit çaldıqdan sonra 38 yaşlı portuqaliyalı qarşılaşmanın baş hakimi Fu Minqə əsəbiləşib. Tribunanın altındakı otağa çıxan Ronaldo bir neçə dəfə barmağını onun gözünə tuşlayıb, hakimləri oyanmağa çağırıb. Bundan sonra yaxınlıqda dayanan “Şabab”ın təhlükəsizlik əməkdaşını itələyib.
Portuqaliyalının uğursuzluğuna səbəb iki mübahisəli hakim qərarı olub. Ronaldonun “Şabab”ın müdafiəçisi ilə toqquşmasından sonra çinli hakim penalti təyin etməyib. Daha sonra portuqaliyalının qapıya zərbə vurmasından sonra cərimə meydançası daxilində ələ dəymiş topa göz yumub.
Qeyri-etik hərəkətinə baxmayaraq, Ronaldoya sarı vərəqə verilməyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
