Gürcü futbolçunun agentini sərt tənqid etdi

"Napoli"nin hücumçusu Viktor Osimhen neapollu futbolçu Xviçi Kvaratsxeliyanın agentini sərt şəkildə tənqid edib.

Lent.az-ın xarici mediaya istinadən xəbərinə görə, daha əvvəl Mamuka Cuqeli nigeriyalı futbolçunun yayda Səudiyyə Ərəbistanı komandalarından birinə keçəcəyini bildirmişdi.

Osimhenin daha çox maaş alması transferdə əsas amil ola bilər. Agent qeyd edib ki, Kvaratsxeliya 1 milyard avroya belə Asiya çempionatına getməzdi.

“Hörmətli Cuqeli, sən biabırçısan, kir parçasısan. Mən sənin sözlərin üçün utanıram! İdiot. Mənim adımı ağzınızdan çıxarın”, – Osimhen sosial şəbəkədəki səhifəsində yazıb.

25 yaşlı nigeriyalı hücumçu bu yaxınlarda "mavilər"lə müqaviləsini 2026-cı ilin ortalarına qədər uzadıb.

Bu mövsüm Osimhen bütün yarışlarda "Napoli"nin heyətində 18 oyunda 8 qol vurub və 3 məhsuldar ötürmə edib.