Tayson Fyuri növbəti dəfə rinqə nə vaxt çıxacağını bilmir. Üstəlik, ağır çəkidə WBC dünya çempionu məşqdən və döyüş hazırlığından tamamilə imtina etdiyini etiraf edib.
Lent.az xarici mediaya istinadən bildirir ki, britaniyalı boksçunun sözlərinə görə, indi o, yalnız istirahət edir və komandasından rəsmi məlumat gözləyir.
"Hazırda döyüş və sairə ilə bağlı zənglər məni xüsusilə maraqlandırmır. Tezliklə mənə rəqib tapsalar, sevinərəm. İndi hər gün bir neçə butulka pivə içirəm və günəş vannası qəbul edirəm.
Media çox şey yazır, amma bir kəlməyə də inanmıram. Əgər promouterlər həqiqətən nəsə etmək niyyətindədirlərsə, tələsmək lazımdır, çünki vaxt daralır”, - Fyuri deyib.
Xatırladaq ki, bir müddət əvvəl Tayson Fyurinin promouteri Fran Uorren ona rəqib tapa bilmədiyini etiraf etmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
