Gələn mövsüm də "Bavariya"nın baş məşqçisi olacaq

"Bavariya" bu mövsümün nəticələrindən asılı olmayaraq baş məşqçi Tomas Tuxeli istefaya göndərmək fikrində deyil.

Lent.az-ın xarici mediaya istinadla xəbərinə görə, bu barədə jurnalist Florian Plettenberq sosial şəbəkədə bildirib.

Mənbənin sözlərinə görə, "Bavariya"nın bu mövsüm, ümumiyyətlə, kuboksuz qala biləcəyinə baxmayaraq, komanda rəhbərliyi mütəxəssisə güvənir.

Klubun Müşahidə Şurasının iclası Almaniya çempionatı başa çatdıqdan sonra mayın 30-da baş tutacaq.

Son tur öncəsi çempionatda liderliyi itirən “Bavariya” 68 xalla Dortmund “Borussiya”sından 2 xal geri qalaraq ikinci pillədə qərarlaşıb.

Mayın 27-də keçiriləcək 34-cü turda “Borussiya” “Maynts”la, “Bavariya” isə səfərdə “Köln”lə qarşılaşacaq.

1491