Futbol klubundan 141 xal silinə bilər

Uels klubu “Pontipridd Yunayted” oyunçularla müqavilə qaydalarını pozduğuna görə 141 xal itirmə cəzasına məhkum edilib.

Lent.az-ın xarici mediaya istinadən məlumatına görə, klub oyunçulara vəsaitin ödənilməməsi, müqavilə öhdəliklərinin yerinə yetirilməməsi, oyunçuların düzgün qeydiyyata alınmaması, qeydiyyatdan keçməyən oyunçulardan istifadə və digər maliyyə pozuntularında şübhəli bilinirdi. Uels Futbol Assosiasiyası (FAW) müstəqil araşdırma aparıb və klub 18 ittihamın hamısında təqsirli bilinib.

“141 xal silindi və klub dərhal 6 xaldan məhrum edildi. Qalan 135 xal, əgər “Pontpridd Yunayuted” 2024/25 mövsümünün sonuna qədər uyğun olmayan oyunçunu meydana çıxarsa, çıxılacaq”, - FAW-ın açıqlamasında deyilir.

Xalları silindikdən sonra “Pontpridd Yunayuted” Uels çempionatında sonuncu, 12-ci yerə düşüb. İndi keçirdiyi 18 oyundan sonra klubun cəmi 7 xalı var.

Eyni zamanda, komanda Uels çempionatında keçirdiyi son 7 oyunun 6-da məğlub olub.

Hələ istintaq başlamamışdan əvvəl “Pontpridd Yunayuted” Uels Kubokundan qovulub. Kluba 2025-ci ilin yanvar ayına qədər yeni oyunçuların qeydiyyatı da qadağan edilib.

Bu, yalnız “Pontpridd Yunayuted”i Uels Premyer Liqasında ikinci mövsümüdür. 2015/16 mövsümündə klub dördüncü diviziondan Uels futbolunun elitasına yüksəlməyə başlayıb. Elitada debüt mövsümünü klub səkkizinci yerdə başa vurub.