FİFA-dan TARİXİ QƏRAR: 2026-cı ildə  yeni dünya çempionatı 
02 dekabr 2022 19:36 (UTC +04:00)

FİFA-dan TARİXİ QƏRAR: 2026-cı ildə yeni dünya çempionatı 

Dünya futbolunun bossu FİFA ABŞ, Meksika və Kanadanın birgə təşkil edəcəyi 2026-cı il dünya çempionatının formatında bir sıra dəyişikliklər edəcək. Komandaların və onunla birlikdə qrup sayı artacaq. Bonus xalları gündəmdədir. 

Lent.az bununla bağlı bütün təfərrüatları təqdim edir.

Qətərdə keçirilən dünya çempionatında həyəcan tam sürətlə davam edir. İndiyədək nəhəng turnirin favoritləri arasında göstərilən Almaniya və Belçika azarkeşləri heyrətə gətirib. E qrupunda Yaponiyanın Almaniyanı, daha sonra İspaniyanı möhtəşəm geri dönüşlə məğlub edərək qrup lideri kimi çıxması təqdir edilib.

Mərakeş də  Xorvatiya və son dünya ikincisi Belçikanın yer aldığı F qrupunu 1-cı yerdə tamamlayıb və böyük uğur əldə edib. 

Bu gün keçiriləcək 4 oyunla qrup mərhələsi başa çatacaq. 

2026-cı ildə komandaların sayı 48-ə çatacaq

Dünya futbolunun bossu FİFA ABŞ, Meksika və Kanadanın birgə təşkil edəcəyi 2026-cı il dünya çempionatının formatında dəyişiklik edəcək. Ən böyük dəyişiklik komandaların sayında olacaq, ölkələrin sayı 32-dən 48-ə yüksələcək. Beləliklə, qrupların sayı 3 komandadan 16-ya yüksələcək. Qruplarda ilk 2 yeri tutan komandalar son 32 turda mübarizə aparacaq.

Bonus xallar üçün penaltilər

2022-ci il dünya çempionatında, xüsusən də qrup mərhələsində ən çox tənqid 0:0 hesabı ilə bitən oyunlarla bağlı olub. Hətta qolsuz başa çatan İngiltərə - ABŞ oyunu matçı stadionda etirazla qarşılanıb. Bu səbəbdən FİFA bu məsələdə də addım atmaq istəyir. 2026-cı ildə qruplarda heç-heçə bitəcək oyunlarda komanda üçün bonus xallar üçün penaltilər seriyası nəzərdə tutulur. Beləliklə, 0:0 hesablı heç-heçə ilə bitən görüşlərə həyəcan əlavə olunacaq.

# 7134
avatar

Oxşar yazılar