"Arsenal" Superliqada iştirakdan imtina etdi

"Arsenal" rəhbərliyi klubun Superliqada iştirakına qarşı çıxıb.

“Arsenal” Futbol Klubu Avropa Ədalət Məhkəməsinin qərarını qeyd edir. Superliqa ilə bağlı mövqeyimiz dəyişməyib. Biz UEFA yarışlarında mübarizəyə davam edəcəyik və digər Avropa klubları və Avropa Klublar Assosiasiyası ilə işləməyə davam edəcəyik”, - Lent.az-ın xarici KİV-ə istinadən xəbərinə görə, rəsmi internet saytında yerləşdirilən məlumatda bildirilir.

Bundan əvvəl “Mançester Siti”, “Çelsi” və “Tottenhem” Superliqada iştirakdan imtina etmişdi.

Dekabrın 21-də Avropa Məhkəməsi FİFA və UEFA-nın Superliqanın yaradılmasına mane olmaq üzrə hərəkətlərini qanunsuz elan edib. Daha sonra Avropa turnirinin formatı məlum oldu.

“The Telegraph” xəbər verir ki, İngiltərə klubları Superliqaya qatılacaqları təqdirdə ölkə çempionatından kənarlaşdırıla bilər. “Reuters”in məlumatına görə, Premyer Liqa bu komandaları 29 milyon avro cərimələyə və onlardan 30 xalı çıxa bilər.