Naxçıvan yaxınlığında 5,1 bal gücündə zəlzələ

Bu gün Fövqəladə Hallar Nazirliyi Böhran Vəziyyətlərində İdarəetmə Mərkəzinə Azərbaycan Milli Elmlər Akademiyası Respublika Seysmoloji Xidmət Mərkəzindən daxil olmuş məlumata əsasən, saat 15:39-da Naxçıvan şəhərindən 85 km cənubda, İran İslam Respublikasının ərazisində zəlzələ qeydə alınıb. Lent.az-ın FHN-in saytına istinadən verdiyi məlumata görə, episentrdə zəlzələ 5,1 bal olub.

Naxçıvan və Ordubad şəhərlərində zəlzələ 3,0 bala qədər hiss olunub. Azərbaycan ərazisində insan tələfatı və dağıntı barədə məlumat daxil olmayıb.