Goranboyda sentyabrın 8-də selin zədələdiyi qaz kəməri bərpa olunur.
“Azəriqaz” İstehsalat Birliyindən Lent.az-a bildirilib ki, hazırda əraziyə qurumun Gəncə Regional qazın istismarı İdarəsinin mühəndis və işçi heyəti, eləcə də ağır texnika cəlb olunub. İki gündür ki, təmir işləri davam etdirilir. Bu günün sonuna qaz təchizatının bərpası planlaşdırılır.
Xatırladaq ki, Goranboy rayonu, Veyisli qəsəbəsinə gedən poletilen qaz xəttinə birləşmə nöqtəsində çay keçidində güclü sel gələrək sentyabrın 8-də səhər saat 6.00 radələrində qaz xəttini 2 hissəyə bölüb. Təxirəsalınmaz tədbirlərlə 2200 abonentin qaz təminatı bərpa olunsa da, sel suları axdığı üçün və ətraf bataqlıq olduğuna görə 790 abonentin qaz təminatını bərpa etmək mümkün olmayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
