Bakıda sevgilisi ilə gəzən qızın başına daş düşdü

Bu gün Bakıda bədbəxt hadisə baş verib. Lent.az-ın azvision.az-a istinadən xəbərinə görə, hadisə paytaxtın Nəsimi rayonu, Dilarə Əliyeva küçəsi 252 ünvanında baş verib. Belə ki, bu ünvanda yerləşən yaşayış binasının önü ilə hərəkət edən gənc qızın başına daş düşüb.

Şahidlərin bildirdiklərinə görə, daş 5 mərtəbəli binanının fasad hissəsindən qopub. Hadisə nəticəsində ağır bədən xəsarətləri alan gənc qız təcili tibbi yardım maşını ilə xəstəxanaya aparılıb.