Daxili İşlər Nazirliyi Ağsuda 6 nəfərin ölümü ilə bağlı məlumat yayıb.
Nazirlikdən Lent.az-a verilən məlumata görə, martın 16-da saat 18 radələrində Ağsu rayonunun İlxıçı kəndi ərazisində şəhər sakini Teymurşah İsmiyevin idarə etdiyi “VAZ-2106” markalı və digər “VAZ-2107” markalı avtomobillər toqquşub. Nəticədə T.İsmiyev və sərnişini - arvadı Mehparə, habelə “VAZ-2107” markalı avtomobildə olan Siyəzən rayon sakinləri Nazim Hüseynov, Mehdi Xankişizadə, Orxan Bədəlov və Pərvin Bayramov hadisə yerində ölüb, Bakı şəhər sakini Səbuhi Quliyev isə xəstəxanaya yerləşdirilib, vəziyyəti ağırdır.
Ağsu RPŞ tərəfindən araşdırma aparılır.