Bakıda köməksiz vəziyyətdə qalmış it xilas edilib. Fövqəladə Hallar Nazirliyinin mətbuat xidmətindən Lent.az-a verilən məlumata görə, Yasamal rayonu Şərifzadə küçəsi, bina 34 ünvanında köməyə ehtiyacı olan heyvan faktorunun olması barədə Xüsusi Riskli Xilasetmə Xidmətinin Yasamal rayonu üzrə xilasedicilər qrupuna məlumat daxil olub və qrup hadisə yerinə cəlb edilib.
Hadisə yerində əməliyyat şəraiti qiymətləndirilərkən məlum olub ki, it 10 nömrəli uşaq bağçasının dəmir barmaqlıqlı çəpərindən keçmək istəyərkən barmaqlıqlar arasında sıxılıb qalıb. Barmaqlılar arasında köməksiz vəziyyətdə qalan it səs-küy salaraq yaxınlıqdakı binanın sakinlərini narahat edirmiş. Yaxınlıqdakı binanın sakinləri tərəfindən itin çəpərin barmaqlıqları arasından xilas edilməsi mümkün olmadığından kömək üçün 112 Xidmətinə müraciət edib.
Xilasedicilər müvafiq xilasetmə alət və avadanlıqlarından istifadə etməklə dəmir barmaqlıqları kəsərək iti xilas etmiş və bina sakinlərinin rahatlığını təmin edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
