“Dünya Bankı Azərbaycanla əməkdaşlıqda maraqlıdır”
24 iyun 2013 17:20 (UTC +04:00)

“Dünya Bankı Azərbaycanla əməkdaşlıqda maraqlıdır”

Bu gün Rabitə və İnformasiya Texnologiyaları Nazirliyində (RİTN) Dünya Bankının İKT sektorunun meneceri Randip Sudanın rəhbərlik etdiyi nümayəndə heyəti ilə görüş keçirilib.

 

Nazirliyin mətbuat xidmətindən Lent.az-a verilən məlumata görə, nazirliyin şöbə müdirlərinin, birlik və müəssisə rəhbərlərinin iştirak etdiyi görüşdə Azərbaycanda həyata keçirilən İKT layihələrdən söz açılıb.


Randip Sudan ölkəmizdə informasiya-kommunikasiya texnologiyaları (İKT) sektorunun sürətlə inkişaf etdiyini söyləyib. Dünya Bankının İKT sektoru ilə əlaqədar həyata keçirdiyi layihələrdən danışan Randip Sudan bununla bağlı böyük təcrübələrinin olduğunu önə çəkib. Randip Sudan Dünya Bankının Azərbaycanla əsasən 3 istiqamət üzrə əməkdaşlıq etməkdə maraqlı olduqlarını diqqətə çatdırıb: “Bu üç istiqamət genişzolaqlı internetin inkişafı, kibertəhlükəsizlik məsələləri və "elektron hökumət" quruculuğundan ibarətdir. Biz hesab edirik ki, Azərbaycanın sözügedən sahələr üzrə həyata keçirdiyi layihələr təqdirəlayiqdir. Ona görə də bu istiqamətdə əməkdaşlıq etməkdə maraqlıyıq”.


Hüquq və kadrlar şöbəsinin müdiri Bəxtiyar Məmmədov ölkəmizin sektor üzrə  əldə etdiyi təcrübə və görülən işlərdən söz açıb. Onun sözlərinə görə, Azərbaycanda “elektron hökumət” quruculuğu istiqamətində geniş işlər görülüb, artıq bir çox dövlət xidmətləri elektronlaşdırılıb və əhalinin istifadəsinə verilib. Sonra birlik və müəssisələrin rəhbərləri həyata keçirilən işlərlə bağlı geniş məlumat verərək Dünya Bankı ilə mümkün əməkdaşlığı nəzərdən keçiriblər.

 

Ramiz Mikayıloğlu

 

# 286
avatar

Oxşar yazılar