Şirvanda bir ay əvvəl özünü yandıran müharibə iştirakçısı  vəfat etdi   - FOTO
18 oktyabr 2022 02:00 (UTC +04:00)

Şirvanda bir ay əvvəl özünü yandıran müharibə iştirakçısı vəfat etdi - FOTO

Şirvanda özünü yandıran Vətən müharibəsi iştirakçısı xəstəxanada vəfat edib.

Lent.az APA-nın Mil-Muğan bürosuna istinadən xəbər verir ki, Şirvanda yaşayan Yardımlı rayon sakini - 1990-cı il təvəllüdlü Abdıyev Elmir Pənahəli oğlu sentyabrın 18-i özünü yandırıb.

Üçüncü dərəcəli yanıq xəsarəti alan E. Abdıyev elə həmin gün Bakıdakı yanıq şöbəsinə yerləşdirilib.

Lakin 1 ay ərzində aldığı müalicələrə baxmayaraq, o, bu gün xəstəxanada dünyasını dəyişib.

Xatırladaq ki, Daxili İşlər Nazirliyi hadisə ilə əlaqədar həmin gün məlumat yaymışdır.

Nazirliyin verdiyi xəbərə görə, Şirvan şəhər sakini Elvin Abdıyev müvafiq sənədləri olmadan avtomobil idarə etdiyi üçün Şirvan Şəhər Polis Şöbəsinin Dövlət Yol Polisi Bölməsinin əməkdaşları tərəfindən saxlanılıb, nəqliyyat vasitəsi müvəqqəti dayanacağa yerləşdirilib və sürücü barəsində protokol tərtib olunmuşdur.

Bundan sonra sürücünün qardaşı, Vətən Müharibəsi iştirakçısı Elmir Abdiyev Şirvan Şəhər Polis Şöbəsinə gələrək avtomobilin buraxılması və protokolun ləğv edilməsi barədə qanunsuz tələblər irəli sürmüşdür.

Şöbə əməkdaşları tərəfindən onunla izahedici söhbətlər aparılıb və qanunvericiyə uyğun olaraq tədbir görüldüyü barədə məlumat verilmişdir

Lakin saat 20 radələrində Elmir Abdiyev şəhər ərazisində özünü yandırmağa cəhd etmişdir.

Onun bu cəhdinin qarşısı həmin ərazidə xidmət aparan polis əməkdaşları tərəfindən alınıb və o, şöbə əməkdaşlarının köməkliyi ilə dərhal şəhər xəstəxanasına çatdırılmışdır.

# 2124
avatar

Oxşar yazılar