Polis idarəsində ƏMƏLİYYAT: mayor saxlanıldı

Başqırdıstanda DİN-in miqrasiya idarəsi rəisinin müavini və onun həmkarları saxlanılıb.

Lent.az Rusiya telegram kanallarına istinadla bildirir ki, paytaxt Ufada regional İstintaq Komitəsi və FTX əməkdaşları respublikanın miqrasiya məsələləri idarəsində axtarış aparıblar. Güc strukturlarının əməkdaşları sənədləri müsadirə ediblər.

Başqırdıstan Respublikasının Daxili İşlər Nazirliyi Miqrasiya məsələləri idarəsinin rəis müavini, polis mayoru Rustam Abdrafikov saxlanılıb. Onun patentlərə nəzarət edən əmək miqrasiyası ilə iş üzrə müavini Vadim Tuxtaşevin kabinetində də axtarış aparılır.

Qanunsuz miqrasiyanın təşkilinə görə cinayət işi açılıb.