Bakıda gənc ailə ölmüş vəziyyətdə TAPILDI: Aytən 8 aylıq hamilə imiş - TƏFƏRRÜAT

İki həftə sonra ana olacaq qadın, bətnindəki övladı və həyat yoldaşı dəm qazından boğularaq ölüblər.

Lent.az Xəzər TV-yə istinadən məlumat verir ki, faciəli hadisə Suraxanı rayonu, Bülbülə qəsəbəsində baş verib.

Şərq küçəsində fərdi evdə yaşayan Arif Qurbanovu və həyat yoldaşı Aytən Qurbanovan; yaxınları evdə ölmüç vəziyyətdə tapıblar.

Ailə üzvləri bildiriblər ki, cütlük bir neçə il əvvəl ailə həyatı qursa da, övladları yox idi. Amma 8 ay əvvəl Aytən Qurbanovanın ana olacağı ilə bağlı verdiyi xəbər onları çox sevindirib.

Hadisə yerinə təcili yardım briqadası gəlsə də, onların öldükləri müəyyən edilib.

Yaxınları deyir ki, Arif Qurbanov 44 günlük Vətən müharibəsində könüllü iştirak edib. O, ''Qubadlının azad olunmasına'' görə və ''Vətən müharibəsi iştirakçısı'' medalları ilə təltif olunub.

Hadisə ilə bağlı Suraxanı Rayon Prokurorluğunda araşdırma aparılır.

Ətraflı süjetdə: