Bacısının rəfiqəsini zorlayıb hamilə qoydu

Ufada 15 yaşlı məktəbli rəfiqəsinin böyük qardaşı tərəfindən zorlandıqdan sonra hamilə qalıb.

Lent.az Rusiya mediasına istinadla bildirir ki, yeniyetmə Arxangelsk vilayətindəki kəndlərdən birindən rus dili müəllimindən dərs almaq üçün Ufaya gəlib. Azyaşlı kirayədə yaşayırmış. Boş vaxtlarında qız tanış olduğu ufalı həmyaşıdı ilə “Minecraft” oynayırmış. Yeniyetmə yeni dostunu evlərinə dəvət edib. Orada qız dostunun 22 yaşlı böyük qardaşı ilə də tanış olub. Onların arasında ünsiyyət başlayıb.

Daha sonra oğlan bacısının rəfiqəsini evə dəvət edərək zorlayıb. Bir ay keçməmiş gənc əməlini təkrarlayıb.

Baş verənlərdən xəbər tutan gəncin anası qızı razı salmağa çalışıb ki, münasibət qarşılıqlı razılıq əsasında olub. Amma o, imtina edib. Yeniyetmə hamilə olduğunu sonradan öyrənib.

Qız yetkin dostunun hərəkətlərini polisə xəbər verib. Ufa sakini saxlanılıb.