04 avqust 2021 15:48 (UTC +04:00)

Azərbaycandan gedən qrup Türkiyədə iki böyük yanğını söndürdü

"Cənab Prezident İlham Əliyevin göstərişi ilə Türkiyədə baş verən yanğınlarla əlaqədar Azərbaycan Fövqəladə Hallar Nazirliyi tərəfindən iki mərhələli olaraq şəxsi heyət və texnika yardımı göstərilib. Birinci mərhələdə 100 nəfərdən ibarət olan heyət təyyarə vasitəsi ilə, ikinci mərhələdə isə quru yolla 54 texnika, 247 nəfər şəxsi heyət Türkiyəyə gəlib".

Lent.az APA-ya istinadən xəbər verir ki, Türkiyəyə yanğın bölgəsinə ezam olunmuş əməkdaşının verdiyi məlumata görə, bunu Azərbaycan fövqəladə hallar nazirinin müavini, general-leytenant Etibar Mirzəyev jurnalistlərə açıqlamasında deyib. 

Nazir bildirib ki, quru yolla gələn şəxsi heyət və texnika ötən gün Dənizli şəhərində baş verən iki böyük yanğının söndürülməsinə cəlb olunub:

"Türkiyə Kənd Təsərrüfatı və Meşə Nazirliyi tərəfindən yanğınsöndürənlərimiz hadisə yerinə cəlb edilib. Bu yanğınlar Buldan və Tavas istiqamətlərində baş verib. Bu istiqamətlərin hər birinə 180 yanğınsöndürən və 50 ədəd yanğın söndürən avtomobil cəlb olunub. Mən özüm də bu istiqamətə Mersindən hərəkət etmişəm, 2 saatdan sonra hadisə yerinə çatmışam. Yanğının söndürülməsi istiqamətində fəaliyyətə başlanıldı. Yanğınlardan biri saat 02:30 radələrində söndürüldü. Bu gün səhər saatlarında mənə məlumat verildi ki, digər yanğın da səhər saatlarında söndürülüb. Göstərişim əsasında, hazırda orada olan texnika və şəxsi heyət Muğla istiqamətində hərəkət edir".

# 939
avatar

Oxşar yazılar