Tovuzda çay kənarından meyiti tapılan aşıqla bağlı bəzi təfərrüatlar məlum olub.
Lent.az-ın yerli sakinlərdən əldə etdiyi məlumata görə, 67 yaşlı aşıq Zahid Qasımov 4 gün əvvəl toylara getmək adı ilə evdən çıxıb. Lakin sonra onunla əlaqə kəsilib.
Sakinlərin sözlərinə görə, o tez-tez qonşu kəndlərdə təşkil olunan şənliklərə və restoranlarda məclislərə qatılırmış.
İddialara görə, Z. Qasımov 4 gün əvvəl yenə adəti üzrə məclislərdə iştirak üçün gedib. Ehtimal olunur ki, o məclislərdən qayıdarkən Əsrik Cırdaxan kəndindəki körpüdən çaya yıxılıb.
Z. Qasımov ailəli olub, onun 6 qızı var.
***
saat 14:53
Noyabrın 20-də Tovuz rayonunda itkin düşən şəxsin meyiti tapılıb.
Lent.az APA-ya istinadən xəbər verir ki, rayonun Əyyublu kənd sakini, 67 yaşlı Qasımov Zahid İbrahim oğlunun meyiti Əsrik Cırdaxan kəndində çayda aşkarlanıb.
Hazırda hadisə yerinə hüquq-mühafizə orqanlarının əməkdaşları cəlb olunub.
Qeyd edək ki, Zahid Qasımovun noyabrın 20-də evdən çıxdığı, bir daha geri qayıtmadığı bildirilib. Mərhumun Tovuzda tanınmış aşıq olduğu bildirilir.
edsdsds.jpg)
