Sumqayıt və Xırdalanda qanunsuz loto oyunları keçirən obyektlər aşkarlandı

Sumqayıt və Xırdalan şəhərlərində qanunsuz loto oyunları keçirən bir neçə obyekt aşkar olunub

Lent.az-ın Vergilər Nazirliyinin rəsmi saytına istinadən verdiyi məlumata görə, Vergilər Nazirliyi yanında Vergi Cinayətlərinin İbtidai Araşdırılması Departamentinin və 2 saylı Ərazi Vergilər İdarəsinin Sumqayıt və Xırdalan şəhərlərinin müxtəlif yerlərində birgə keçirdiyi operativ nəzarət tədbirləri zamanı vətəndaş Hüseynov Vahid Ələsgər oğlunun Sumqayıt şəhəri Nizami küçəsi 34-cü məhəllədə yerləşən “Göyərçin məişət xidməti” obyektində, Qədəşov Ramil Ağadadaş oğlunun Sumqayıt şəhəri 17-ci mikrorayon “Billur şadlıq sarayı”nın yanında yerləşən obyektində, Rəhimov Elmin Rəhim oğlunun Sumqayıt şəhəri 9-cu mikrorayon 72 saylı binanın yanında yerləşən obyektində, İsmayılov Vüqar Ramazan oğlunun Sumqayıt şəhəri Koroğlu prospekti 47-ci məhəllədə yerləşən obyektində, İlyasov Tehran Eldar oğlunun Xırdalan şəhəri, 28-ci məhəllədə yerləşən “Şəms ticarət mərkəzi”nin arxasındakı kafedə və Musayev Alim Oruc oğlunun həmin ünvanda yerləşən “Şeş-beş” kafesində qanunsuz olaraq loto oyunlarının təşkil olunduğu aşkarlanıb.

Vergi əməkdaşları tərəfindən həmin obyektlərdə müvafiq avadanlıqlar aşkarlanaraq götürülüb.