Samir Cavadzadənin bıçaqladığı şəxs komadan çıxıb

Bu barədə Lent.az-a məlumat verən 21-ci Polis Bölməsinin tədqiqatçısı Əziz Əizimov bildirib ki, fakt üzrə Cinayət Məcəlləsinin 126, 127 və ya 128-ci maddələri ilə iş başlanılacaq. Cinayət işinin hansı maddə ilə açılacağı isə ekspertizanın rəyindən sonra məlum olacaq.

Ə.Əzimov onu da bildirib ki, S.Cavadzadənin bıçaqladığı Elvin Hüseynov komadan çıxıb və özünü normal hiss edir: “Hələlik ondan ifadə almaq məqsədəuyğun olmadığından ifadəsi alınmayıb”.

Qeyd edək ki, hadisə sentyabrın 20-nə keçən gecə Nəsimi rayonu, Mirəli Qaşqay küçəsi, 32 ünvanında baş verib. Həmin mənzildə yaşayan S.Cavadzadə birlikdə yaşadığı Elvin Hüseynova bıçaqla xəsarət yetirib. Yaralı Kliniki Tibbi Mərkəzə gətirilib və dərhal polisə məlumat daxil olub. Aparılan araşdırmalar nəticəsində isə E.Hüseynovun S.Cavadzadə tərəfindən bıçaqlandığı məlum olub. S.Cavadzadə saxlanılaraq bölməyə gətirilib və o, törətdiyi əməli etiraf edib.

Qeyd edək ki, S.Cavadzadə “ŞERON” qrupunu keçmiş üzvüdür. O Azərbaycanı “Eurovision-2008”-da təmsil edib. Hadisə ilə bağlı ilkin məlumatlarda bıçaqlanan Elvin Nuriyevin S.Cavadzadənin həmkarı Elnur Hüseynovun qardaşı olduğu bildirilsə də, bu məlumat təsdiqini tapmayıb.

Nizam RZA