Bakıda dəhşətli cinayət

Tikinti kooperativinin sədri liftin şaxtasına yıxılıb ağır yaralanan şəxsi zibilxana atıb

Aprelin 9-da saat 15.00 radələrində Moskva prospekti, 3008-ci məhəllənin ərazisindəki məişət tullantıları atılmış yerdə 40-45 yaşlı kişi halsız vəziyyətdə tapılıb.

Lent.az-ın məlumatına görə, üzərində müxtəlif dərəcəli xəsarətləri olan həmin şəxs koma vəziyyətində olub. O, dərhal Kliniki Tibbi Mərkəzə yerləşdirilib.

Araşdırmalar zamanı həmin şəxsin Şəki şəhər Kiş kənd sakini Xanlar Mustafayev olduğu müəyyənləşdirilib. Məlum olub ki, yaralı “Tac-Mahal” Kooperativi tərəfindən inşa edilmiş 20 mərtəbəli binanın liftinin şaxtasına yıxılıb. Kooperativin sədri Ruslan Əkbərovun izi itirmək məqsədi ilə orada işləyən digər şəxslərlə birgə onu şaxtadan çıxararaq, yaxınlıqdakı məişət tullantıları olan yerə atıb.

Nəsimi RPİ tərəfindən araşdırmalar aparılır.