“Musto” həbsxanada öldü

1995-ci il mart hadisələrinə görə həbs edilmiş Mustafayev Xosrov Ramazan oğlu Qobustan həbsxanasında ölüb. Hüquq-mühafizə orqanlarından Lent.az-a daxil olan məlumata görə, X.Mustafayev noyabrın 6-na keçən gecə həbsxanada ürək tutması nəticəsində keçinib.

Qeyd edək ki, X.Ramazanov Qarabağ müharibəsində fəal iştirak edib. “Musto” ləqəbi ilə tanınan keçmiş döyüşçü 1994-cü ilin yanvar və oktyabr aylarında prezident Heydər Əliyevin fərmanı ilə “Azərbaycan Bayrağı” ordeni ilə təltif edilib. Lakin 1995-ci ildə mart hadisələri zamanı Rövşən Cavadovun qanunsuz dəstəsinə qoşulduğu və dövlətçilik əleyhinə silahlı birləşmədə iştirakına görə vətənə xəyanət maddəsi ilə həbs edilib və məhkəmənin hökmü ilə ömürlük azadlıqdan məhrum edilib.

Prezident İlham Əliyev 2006-cı ildə Xosrov Mustafayevin 1994-cü ilin yanvar və oktyabr aylarında aldığı “Azərbaycan Bayrağı” ordenlərindən məhrum edilməsi barədə fərman imzalayıb.

Nizam RZA