Tiflis bazarında yanğın: 40 yanğınsöndürmə maşını cəlb edilib

Gürcüstan paytaxtındakı “Eliava” bazarında boya anbarı yanır. APA-nın Gürcüstan bürosunun məlumatına görə, hadisə nəticəsində bir neçə nəfər yüngül xəsarət alıb. Onlara ilkin tibbi yardım göstərilib. Xilasedicilər hazırda yanğın baş verən zaman anbarın daxilində olduğu ehtimal edilən iki nəfərin axtarışı ilə məşğuldur. Anbar yerləşən sahədə 20 yanğınsöndürən briqada çalışır. Hadisə yerinə əlavə 20 yanğınsöndürmə maşını cəlb olunub.