Polis reydi zamanı şəhər meri öldürülüb

Filippinin Ozamis şəhərinin meri Reynaldo Parocinoq həyat yoldaşı da daxil olmaqla, 6 nəfər polisin keçirdiyi reyd zamanı öldürülüb.

APA-nın “Associated Press” agentliyinə istinadən verdiyi məlumata görə, R. Parocinoqun adı Flippin prezidentin Rodriqo Dutretenin narkotik vasitələrin qanunsuz dövriyyəsində iştirak edən siyasətçilərlə bağlı siyahısında olub.

Polislər meri həbs etməyə gələn zaman mühafizəçiləri atəş açıb. Nəticədə R. Parocinoq və 6 nəfər öldürülüb. R. Parocinoqun şəhərin vitse-meri olan qızı həbs edilib.

Qeyd edək ki, bundan əvvəl R. Parocinoq narkotik vasitələrin qanunsuz dövriyyəsində iştirak etdiyini inkar edib.

Ozamis şəhərinin 150 min əhalisi var, Mindanao adasında yerləşir.