İran Suriyada atəşkəs elan edilməsinə qarşı çıxdı
25 fevral 2018 14:18 (UTC +04:00)

İran Suriyada atəşkəs elan edilməsinə qarşı çıxdı

İran Silahlı Qüvvələrinin Baş Qərargah rəisi: "Dəməşqin ətrafındakı bölgələrin terrorçulardan təmizlənməsi davam edəcək"

İran BMT Təhlükəsizlik Şurasının qətnaməsi ilə Suriyada 30 günlük atəşkəs elan edilməsinə qarşı çıxıb.

 

APA-nın "Tasnim" agentliyinə istinadən verdiyi məlumata görə, İran Silahlı Qüvvələrinin Baş Qərargah rəisi Məhəmməd Bakiri bu gün bildirib ki, keçmişdə olduğu kimi bu dəfə də Suriyada sabitliyi istəməyənlər Suriya ordusu və dövlətinin Dəməşqin ətrafını terrorçulardan təmizləmək istədiyini görən zaman terrorçuları qorumaq üçün atəşkəsin elan olunmasını istəyiblər.

 

M. Bakiri deyib ki, Suriya ordusu indiyə qədər Dəməşqə 1200 raket atan terrorçuları torpağından çıxarmaq istəyir və Suriya ordusu təhlükəsizliyi təmin etmək üçün terrorçuları təmizləməkdə qərarlıdır: "Qərb cəbhəsinin və terrorçuları dəstəkləyənlərin israrı ilə bu atəşkəs elan edilib. Suriya və Suriyanın dostları olan Rusiya və İranın əməkdaşlığı ilə bu qətnamədə qarşı tərəfindən istəkləri azaldılıb. Amma "Nusra cəbhəsi" kimi terrorçu qruplaşmalara qarşı savaş davam edəcək. İndi bəzi bölgələrdə xalqın təhlükəsizliyi üçün atəşkəsi təmin edirik, amma bu, terrorçuların həyatlarını xilas edəcəkləri anlamına gəlməz. Qarşıdakı bir neçə ay ərzində Suriyatorpaqlarının hamısı terrorçulardan təmizlənəcək. Bir və Suriyaatəşkəsə sadiq qalacağıq, amma Dəməşqin ətrafında terrorçuların nəzarətində olan bölgələr bu atəşkəsin əhatə dairəsinə daxil deyil. O bölgələrin terrorçulardan təmizlənməsi davam edəcək".

 

Qeyd edək ki, Dəməşq ətrafındakı Şərqi Qutanın Suriya ordusu tərəfindən bombalanması və çoxlu sayda qadın və uşğanı ölümü dünya ictimaiyyətində ciddi narahatlıq doğurub. Fevralın 24-də BMTTəhlükəsizlik Şurası Suriyada 30 günlük atəşkəs rejiminin tətbiqi və ölkə ərazisində humanitar əməliyyatların aparılmasına dair qətnaməni yekdilliklə qəbul edib. Sənəd humanitar yardımları çatdırmaq, yaralı və ağır xəstələrin tibbi təxliyəsini həyata keçirmək üçün münaqişənin bütün tərəflərindən toqquşmaları azı 30 gün müddətinə dərhal dayandırmağı və humanitar fasiləni təmin etməyi tələb edir. 

 

# 139
avatar

Oxşar yazılar

“Kokain” begemotlarını ölkədən qovmaq mümkün olmadı

“Kokain” begemotlarını ölkədən qovmaq mümkün olmadı

1 mart 2024 , 21:42
Fransa TƏLAŞDA:   Korsikaya əlavə qüvvələr göndərilir

Fransa TƏLAŞDA: Korsikaya əlavə qüvvələr göndərilir

1 mart 2024 , 19:25
Sevgilisinə görə İslam dinini qəbul etdi

Sevgilisinə görə İslam dinini qəbul etdi

1 mart 2024 , 17:27
56 yaşlı kişi 10 yaşlı qızı intim videolarla şantaj etdi

56 yaşlı kişi 10 yaşlı qızı intim videolarla şantaj etdi

1 mart 2024 , 17:00
Aleksey Navalnı dəfn olundu

Aleksey Navalnı dəfn olundu

1 mart 2024 , 16:55
Bacısı imtahandan keçsin deyə polis oldu

Bacısı imtahandan keçsin deyə polis oldu

1 mart 2024 , 16:51
İdmançı yarışı qazanmaq üçün qəpikləri uddu

İdmançı yarışı qazanmaq üçün qəpikləri uddu

1 mart 2024 , 16:24
Əsgər keçmiş sevgilisinin ailə üzvlərini öldürdü

Əsgər keçmiş sevgilisinin ailə üzvlərini öldürdü

1 mart 2024 , 16:06