Polşa Ukraynaya hərbi yardım üçün koalisiya yaradır

Polşa Ukraynaya daha da böyük hərbi dəstək üçün koalisiya yardırki, bu da ona nəinki özünü müdafiə etməyə, həm də rusların qeyri-qanuni zəbt etdiyi əraziləri geri qaytarmağa imkan verəcək.

Lent.az-ın xarici mediaya istinadla məlumatına görə, bunu Polşanın baş naziri Mateuş Moravetski deyib.

“Biz Ukraynaya kömək edirik, çünki şərq qonşularımızın gələcəyi gələcəyimizin necə olacağından asılıdır; biz başqalarından daha çox iş görürük, çünki qazanacağımız və itirəcəyimiz çox şey var”, - o deyib.

Onun sözlərinə görə, son günlər Avropa İttifaqı "Ukrayna ilə birliyə güclü siqnal verib", lakin bu, yolun yalnız başlanğıcı olub. Moravetski yarı yolda dayanmamağa çağırıb və izah edib ki, Ukrayna Qərbin həmrəyliyi, o cümlədən sanksiyalar, maliyyə, humanitar və hərbi yardım olmadan Rusiyanı məğlub etməyəcək.

Moravetski xatırladıb ki, bir neçə ay əvvəl Ukrayna Aİ üzvlüyünə namizəd statusu alıb və bu, böyük uğurdur.

"Ukrayna bu gün Rusiyanın çəkmələri altından qaçmağa çalışdığına görə çox böyük qan bədəli ödəyir. Aİ-yə qoşulmaq ukraynalıları bu yolda, son dərəcə çətin və təhlükəli yolda qalmağa sövq edir... Bu həvəsi saxlamaq asan olmayacaq. Son günlər Avropa salonlarında, amma ən əhəmiyyətlisi "Avropa birliyini və Ukrayna müdafiəçilərinə dəstək əzmini qoruyuruq. Biz Qərbi oyatdıq, indi onun yenidən yuxuya getməsinə icazə verə bilmərik”, - Moravetski əlavə edib.