İsraildən Qəzzayla əlaqədar sərt qərar

İsrail Qəzza sektoruna humanitar yardımların buraxılmasını dayandırıb.

Lent.az-ın xəbərinə görə, bu barədə İsrail Baş nazirinin ofisi məlumat yayıb.

İsrail Baş naziri humanitar yardımların dayandırılmasına qərar verib

Qeyd edilib ki, İsrail Baş naziri Binyamin Netanyahu əsir və girovların mübadiləsinə dair razılaşmanın birinci mərhələsinin başa çatması və HAMAS-ın ABŞ Prezidentinin xüsusi nümayəndəsi Stiv Vitkoffun Ramazan və Pasxa bayramlarında Qəzza zolağında müvəqqəti atəşkəs və girovların azadlığa buraxılmasıyla bağlı təklifini qəbul etməməsi ilə əlaqədar belə qərar verib. Bu gün səhərdən Qəzzaya bütün humanitar malların və yüklərin daşınması dayandırılıb.

İsrail və HAMAS arasında əsir və girovların mübadiləsi ilə bağlı razılaşma pozulub

Qeyd edək ki, HAMAS İsrailin razılaşmanın bütün əsir və girovların azad olunması və tam atəşkəs elanını nəzərdə tutan ikinci mərhələsinə başlamaq istəmədiyi üçün Stiv Vitkoffun təklifini qəbul etmədiyini açıqlayıb.