İsrail razılaşmanın birinci mərhələsində HƏMAS-ən əlində olan 33 girovun müqabilində 1890-dan çox fələstinli məhbusu azad edəcək.
Lent.az xəbər verir ki, bu barədə Misirin Xarici İşlər Nazirliyi məlumat verib.
"42 gün davam edəcək birinci mərhələdə HƏMAS İsrailin 1890-dan çox məhbusu azad etməsi müqabilində 33 girovu azad edəcək", - nazirliyin “Facebook “səhifəsində dərc edilən mətndə deyilir.
Nazirlik həmçinin vasitəçilərin Qəzza atəşkəsinin razılaşdırılmış müddət ərzində üç mərhələdə həyata keçirilməsini təmin etmək öhdəliyini də xatırladıb.
Bundan əvvəl Qətərin Xarici İşlər Nazirliyinin sözçüsü Məcid bin Məhəmməd əl-Ənsari isə HƏMAS ilə İsrail arasında Qəzza zolağında atəşkəsin yanvarın 19-da yerli vaxtla saat 08:30-da qüvvəyə minəcəyini bildirmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
