Əfqanıstanda yas mərasimində törədilən terror aktı nəticəsində ölənlərin sayı 24-ə çatıb.
APA-nın "TOLO News"a istinadən verdiyi xəbərə görə, bu barədə Nangərhar vilayətinin rəsmi nümayəndəsi Atolla Hoginyani deyib.
O bildirib ki, partlayışda 68 nəfər yaralanıb: “Yaralıların vəziyyəti ağır olduğu üçün ölənlərin sayı arta bilər. Hələlik heç bir qruplaşma terror aktı ilə bağlı məsuliyyəti üzərinə götürməyib”.
***
12:18
Əfqanıstanın paytaxtı Kabil şəhərində xəstəxanaya hücum nəticəsində 5 nəfər ölüb.
APA-nın “TOLO News”a istinadən verdiyi xəbərə görə, hadisə Kabilin qərbində Dəşt-e-Barçi ərazisində baş verib.
Silahlılar “Sərhədsiz həkimlər” təşkilatına məxsus xəstəxanaya hücum edib.
Daxili İşlər Nazirliyindən bildirib ki, hadisə yerinə xüsusi təyinatlı qüvvələr göndərilib, xəstəxanadan 40 nəfər təxliyə olunub.
Məlumata görə, hücumda ən azı 5 nəfər ölüb, onlardan 3-ü qadın, biri uşaq, digəri isə təhlükəsizlik qüvvələrinin əməkdaşıdır.
Hücum zamanı 4 nəfərin yaralandığı bildirilib.
Hadisə şahidlərinin verdiyi məlumata görə, hücumu hərbi geyimdə olan 3 nəfər törədib.
Baş verən hücuma görə "Taliban" hərəkatı məsuliyyəti öz üzərinə götürməyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
