Cənubi Afrika Respublikasının Gebeha şəhərində atışma nəticəsində 8 nəfər ölüb, 4 nəfər yaralanıb.
Lent.az-ın xəbərinə görə, bu barədə Sinxua agentliyi yerli polisə istinadən məlumat yayıb.
İlkin araşdırmaya görə, bazar günü saat 17:00-dan sonra iki silahlı şəxs ad günü keçirilən həyətə daxil olaraq atəş açıb.
Nəticədə 3 qadın olmaqla 8 nəfər ölüb, daha 4 nəfər güllə yarası alıb. Ölənlər arasında ev sahibi də var.