Bred Pittlə romantik münasibətdə olduğuna inanan və fırıldaqçılara 830 min dollar verən 53 yaşlı Annanın hekayəsi Fransada televiziya kanallarında yayımlanıb.
Lent.az xəbər verir ki, heç kimə zərər vermədiyini deyən qadın “Mənə niyə belə etdilər?” deyə şikayətlənib.
Fransada 53 yaşlı Anna adlı interyer dizayner sosial şəbəkədə özünü məşhur aktyor Bred Pitt kimi təqdim edən fırıldaqçının qurbanı olub.
Fırıldaqçı qadınla saxta sosial media hesabı vasitəsilə əlaqə saxlayıb və süni intellektin yaratdığı videolar və montaj şəkilləri ilə özünü Bred Pitt kimi təqdim edib.
Məlum olub ki, fırıldaqçı qadını aldadıb, böyrəyinin müalicəsi üçün təcili pula ehtiyacı olduğunu və Ancelina Colidən boşandığı müddətdə bank hesablarına daxil ola bilmədiyini bildirib.
Saxta "Bred Pitt" xərçəng müalicəsi, gömrük rüsumları və dəbdəbəli hədiyyələr kimi müxtəlif bəhanələrlə qadından 830 min dollar alıb. Pullar isə Türkiyədə bir bank hesabına göndərilib.
Saxta Bred Pittin göndərdiyi şeirlər və mesajlar Annaya təsir edib.
Anaa əvvəlcə şübhəli olduğunu desə də, fırıldaqçı süni intellektin yaratdığı video və görüntülər sayəsində etibar qazanıb.
Hətta fırıldaqçı daha da irəli gedərək qadına evlilik təklifi edib ki, bu da qadının milyonçu ərindən boşanmasına səbəb olub.
Əsl Bred Pittin yeni sevgilisi İnes de Ramonla fotolarını görən Anna aldadıldığını anlayıb və 2024-cü ilin yayında polisə şikayət edib.
İki il ərzində fırıldaqçıya göndərilən pullar izlənilsə də, fırıldaqçıların izlərini peşəkarcasına gizlətdikləri bildirilir.
Baş verənlərdən sonra ana ağır depressiyadan əziyyət çəkməyə başlayıb və hazırda klinikada müalicə alır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
