Avropanın 3 ölkəsində “İKEA”nın mağazaları partladılıb
31 may 2011 17:44 (UTC +04:00)

Avropanın 3 ölkəsində “İKEA”nın mağazaları partladılıb

Lent.az-ın “Het Nieuwsblat” qəzetinə istinadən verdiyi məlumata görə, polis araşdırmaya başlayıb.

Partlayıcı qurğuların hamısının gücü az olub. İlk partlayış bu həftənin bazar ertəsi Belçikanın Gente şəhərindəki mağazada olub. Saat mexanizmi ilə işləyən iki partlayıcı qurğu süd qutularında gizlədilib. Partlayışdan sonra mağazanın əməkdaşları və müştərilər təcili evakuasiya ediliblər. Baş verən olay zamanı 1 satıcı və 1 mühafizəçi yüngül zədə alıblar. Axtarışlar nəticə verməyib, mağaza bu gün yenidən adi rejimdə işləməyə başlayıb.

Bu gün oxşar partlayış “İKEA İnternational Group” şirkətinin Hollandiyanın Eyndhoven və Fransanın Lill şəhərindəki mağazalarında da baş verib. Hollandiyada bomba mağazanın yaxınlığındakı zibil qabına atılıb. Partlayış zamanı xəsarət alan olmayıb. Partlayışlardan sonra hər 3 ölkənin prokurorları və yerli polis birgə təhqiqata başlayıb.
# 449

Oxşar yazılar