Bəy cehizə görə  gəlini atdı, polisə verildi
11 noyabr 2023 17:50 (UTC +04:00)

Bəy cehizə görə gəlini atdı, polisə verildi

Hindistanın Uttar Pradeş ştatının Bareilli şəhərində keçirilən toyların birində qəribə hadisə yaşanıb. 

Lent.az xarici mediaya istinadən xəbər verir ki, Şahbad Amir adlı bəy qayınatası cehiz olaraq soyuducu verməyib deyə gəlini tərk edib. Belə ki, o, gəlini toyda atıb və korteji ilə evə qayıdıb. 

Bəyin qayınata ilə razılaşmasına görə, cehizin içində pencək, şalvar, motosiklet və soyuducu olmalı idi.

Ancaq kişi kasıblıq ucbatından verdiyi vədləri yerinə yetirə və bu əşyaları bəyə verə bilməyib. Eyni zamanda, gəlinin ailəsi toyun təşkilinə çox böyük məbləğdə pul xərcləyib. 

Motosikletə baxmağa gedən bəyin atası lazımi əşyaların olmadığını görüb. Daha sonra o, gəlin tərəfdəki qonaqlarla dalaşmağa başlayıb. Üstəlik, bəylə gəlinin özləri də öz aralarında dava ediblər.

Daha sonra bəy, ailəsi və qohumları restoranı tərk ediblər. Hadisədən sonra gəlinin anası Zarina Begüm polisə gedərək bəyi şikayət edib.

# 14085
avatar

Sevinc Fərid

Oxşar yazılar