taxi
11:27 2 dekabr 2020

Azərbaycanda koronavirusa qarşı peyvəndləmə nə vaxt başlayacaq? - NƏTİCƏNİ GÖZLƏMƏLİYİK

madeyra

Türkiyədə dekabr ayının 11-dən koronavirusa qarşı peyvənd prosesi başlayacaq.

Lent.az Türkiyə mətbuatına istinadən xəbər verir ki, bunu ölkənin səhiyyə naziri Fəxrəddin Qoca açıqlayıb. O bildirib ki, ilkin olaraq 50 milyon dozalıq peyvənd alınır. Peyvəndləməyə isə tibb işçilərindən başlanılacaq. Nazir yerli peyvəndin aprel ayında hazır olacağını da vurğulayıb.

Bəs Azərbaycanda bu sahədə vəziyyət necədir?

TƏBİB-dən Lent.az-a bildirilib ki, Azərbaycanda bu sahədə hələ ki  veriləcək məlumat yoxdur: "Hər hansı təsdiqlənmiş peyvənd olarsa, Azərbaycan da alacaq".

Professor Adil Qeybulla isə bildirib ki, hazırda bütün peyvənd namizədləri sınaq mərhələsini tam başa vurmayıb: "Vurulan peyvəndlərin hansı nəticəni göstərəcəyi tam bilinmir. Ümumdünya Səhiyyə Təşkilatı tərəfindən təsdiqlənmiş peyvənd olmadığı üçün mövcud peyvəndlərin tam effektiv olacağını deyə bilmərik".

Onun sözlərinə görə, real nəticə almaq üçün təsdiq olunmuş peyvəndi gözləmək daha doğru olar: "Məsələn, Rusiyada namizəd peyvənd vurulmuş iki şəxsdə koronavirusa yoluxma qeydə alınıb".

# 778
avatar

Aygün İbrahimli

Oxşar yazılar