2227
13:28
25 İyul 2020

Bakıda motosiklet qarşıdan gələn avtomobilə çırpıldı - FOTO

Bakıda motosiklet “Mercedes -Benz Sprinter" markalı avtomobillə toqquşub.

APA-nın məlumatına görə, hadisə paytaxtın Səbail rayonu Badamdar qəsəbəsində qeydə alınıb.

Yüksək sürətlə hərəkətdə olan motosiklet qarşıdan gələn avtomobilə çırpılıb.

Qəza nəticəsində motosikletin sürücüsü - 30-35 yaşlı kişi müxtəlif bədən xəsarətləri alaraq xəstəxanaya aparılıb.

Faktla bağlı araşdırma aparılır.