Orduda döyüşmək üçün müraciət edənlərin sayı 50 mini ötdü
21 iyul 2020 15:59 (UTC +04:00)

Orduda döyüşmək üçün müraciət edənlərin sayı 50 mini ötdü

Səfərbərlik və Hərbi Xidmətə Çağırış üzrə Dövlət Xidməti könüllü döyüşmək üçün bu günə qədər qeydiyyatdan keçənlərin sayını açıqlayıb.

Lent.az xəbər verir ki, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin çağırışına səs verən 50500-ə yaxın vətəndaş bugünədək Səfərbərlik və Hərbi Xidmətə Çağırış üzrə Dövlət Xidmətinə elektron qaydada, həmçinin Xidmətin qeydiyyatda olduqları yerli idarə, şöbə və bölmələrinə gələrək respublikamızın ərazi bütövlüyü uğrunda döyüşlərdə iştirak etmək haqqında könüllü olaraq öz arzularını ifadə edib və müvafiq formada qeydiyyata alınıblar.

Səfərbərlik və Hərbi Xidmətə Çağırış üzrə Dövlət Xidməti göstərdikləri yüksək vətənpərvərliyə görə vətəndaşlarımıza bir daha təşəkkürünü bildirir.

# 3682
avatar

Mehman Nəbiyev

Oxşar yazılar