Rusiyanın Samara şəhərinin Kirov rayon məhkəməsində 42 yaşlı Zaur Novruzovun məhkəməsi başlayıb.
Lent.az-ın yerli KİV-ə istinadən verdiyi məlumata görə, o, adam oğurluğunda, qanunsuz silah gəzdirmədə, habelə narkotik vasitələrin saxlanılmasında ittiham olunur. Zaura Novruzov ötən ilin iyununda sürücüsü Rezvan Bayramovla birgə saxlanlııb. Bayramovun idarə etdiyi “Mercedes-Benz S600” markalı avtomaşın saxlanıldıqdan sonra orada silah və narkotik aşkar edilib.
İlkin dindirmədən sonra polislər qeyri-qanuni silah gəzdirən sıradan bir şəxsi yox, kriminal avtoriteti saxladıqlarını öyrəniblər. Məlum olub ki, Zaur hazırda Birləşmiş Ərəb Əmirliklərində məskunlaşmış Lotu Quli ləqəbli Nadir Səlifovun Samara və Tolyatti şəhərləri üzrə nəzarətçisidir. Yerli KİV-in məlumatına görə, hakim Aleksandr Makeyevin sədrliyi ilə keçirilən prosesin qalmaqallı olacağı gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
