Gələn il fevralın 15-də “AZE Nakhchivan-Köln SK” Futbol Klubunun təqdimat mərasimi keçiriləcək.
Bu barədə Lent.az-a klubun mətbuat xidmətindən məlumat verilib.
Təqdimat mərasimi Almaniyanın Köln şəhərində yerləşən klubun bazasında baş tutacaq. Mərasimə Almaniyadan, Türkiyədən və müxtəlif ölkələrdən idman ictimaiyyətinin nümayəndələri, eyni zamanda alman mediası dəvət olunacaq.
Tədbirdə perspektiv planlar haqqında məlumat veriləcək, həmçinin klubun forması və saytı təqdim ediləcək.
Qeyd edək ki, Azərbaycan idman ictimaiyyətinin tanınmış simaları, eyni zamanda futbola maraq göstərən müxtəlif ictimai-siyasi xadimlər, incəsənət adamları və media nümayəndələri də dəvətlilər sırasındadır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
