Mingəçevir Təxirəsalınmaz və Təcilli Tibbi Yardım Stansiyasının həbsdə olan sabiq baş həkimi Kosayev Tacəddin Vahid oğlu barəsindəki hökmdən apelyasiya şikayəti verib.
APA-nın məlumatına görə, şikayətə Şəki Apelyasiya Məhkəməsində hakim İmamverdi Şükürovun icraatında baxılır.
Məhkəmənin baxış iclası dekabrın 12-ə təyin edilib.
Qeyd edək ki, T. Kosayev Cinayət Məcəlləsinin 178.2.2-ci (dələduzluq, təkrar törədildikdə) maddəsi ilə ittiham olunub.
Cinayət işi üzrə 5 nəfər zərərçəkmiş şəxs qismində tanınıb.
Mingəçevir şəhər Məhkəməsində hakim Ələkbər Hüseynovun sədrliyi ilə keçirilən prosesdə T. Kosayev 2 il azadlıqdan məhrum edilib.
Onu da qeyd edək ki, T. Kocayev uzun müddət Mingəçevir Təxirəsalınmaz və Təcilli Tibbi Yardım Stansiyasının baş həkimi olub.