746
00:09
30 Noyabr 2019

Bakıda sərnişin avtobusu ilə minik avtomobili toqquşub, xəsarət alan var

Bakının Suraxanı rayonunda yol-nəqliyyatı hadisəsi zamanı sərnişin xəsarət alıb.

APA xəbər verir ki, hadisə Qaraçuxur qəsəbəsi “Aura” şadlıq sarayının qarşısında baş verib.

104 nömrəli “İSUZU” markalı sərnişin avtobusu ilə “Mercedes” markalı minik avtomobili toqquşub. Qəza zamanı avtobusda olan sərnişin, 1987-ci il təvəllüdlü Hüseynov Anar Vaqif oğlu xəsarət alıb. O, 3 saylı şəhər klinik xəstəxanasına yerləşdirilib.

Faktla bağlı araşdırma aparılır.