Gəncə şəhər Baş Polis İdarəsi Kəpəz rayon Polis İdarəsinin əməkdaşları narkotik vasitələrin qanunsuz dövriyyəsi ilə bağlı əməliyyat tədbirləri keçiriblər.
Daxili İşlər Nazirliyi Gəncə regional qrupundan Lent.az-a verilən məlumata görə, nəticədə şübhəli bilinən Gəncə şəhər sakini, əvvəllər məhkum olunmuş 43 yaşlı Həsən Quliyev saxlanılaraq idarəyə gətirilib. Onun üzərinə baxış keçirilən zaman 10,5 qram narkotik vasitə olan marixuana və 1,2 qram heroin aşkar olunaraq götürülüb.
Davam etdirilən əməliyyat-axtarış tədbirləri nəticəsində H.Quliyevin şəhər ərazisindəki yaşadığı mənzilə baxış keçirilən zaman oradan 1 kiloqram çəkidə narkotik vasitə olan qurudulmuş marixuana aşkar olunaraq götürülüb.
Faktla bağlı araşdırmalar davam etdirilir.
Mehman Nəbiyev
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
