"ABŞ sanksiyalardan imtina etmədikcə..." - Həsən Ruhani

Vaşinqton İran əleyhinə sanksiyaları qaldırmadan ABŞ və İran arasında münasibətlərdə müsbət dəyişiklik olmayacaq.

APA-nın "RİA Novosti"yə istinadən verdiyi xəbərə görə, bu barədə İran prezidenti Həsən Ruhani deyib.

"ABŞ sanksiyalardan imtina etmədikcə və seçdiyi yalnış yoldan vaz keçmədikcə, biz heç bir müsbət dəyişiklik görməyəcəyik. Müsbət dəyişikliklərin açarı Vaşinqtondadır", - İran pezidenti bildirib.

Həsən Ruhani eyni zamanda Qərbin İranın nüvə silahı əldə etməsinin qarşısını almaq istəyi ilə bağlı verdiyi açıqlamalarına münasibət bildirərək qeyd edib ki, Tehran nüvə silahı əldə etmək niyyətində deyil.