362
16:33
05 Avqust 2019

Nikol Paşinyan işğal altındakı Azərbaycan ərazilərinə gəldi

Ermənistanın baş naziri Nikol Paşinyan Azərbaycanın işğal altında olan Dağlıq Qarabağ bölgəsinə səfər edib.
APA -nın “Armen Press”ə istinadən verdiyi məlumata görə, Ermənistanın baş naziri bu gün panerməni oyunlarının Xankəndidə baş tutacaq açılış mərasimində iştirak edəcək.
N. Paşinyanın mərasimdə çıxışı da nəzərdə tutulur.
Ermənistanın baş naziri işğal altındakı Azərbaycan ərazilərinə səfər zamanı burada xidmət edən oğlu ilə də görüşüb. Paşinyan həyat yoldaşı və oğlu ilə çəkdirdiyi fotonu "Facebook" səhifəsində paylaşıb.
Qeyd edək ki, panerməni oyunlarının açılış mərasiminin Xankəndidə keçirilməsi Azərbaycanın kəskin etirazına səbəb olub. XİN bu addımı pisləyən açıqlama yayıb.