Kim qalib gəlsə... kinonu o çəkəcək

Azərbaycanda kino senari müsabiqəsi elan olunacaq. Bu barədə Mədəniyyət naziri Əbülfəz Qarayev Xəzər televiziyasına müsahibəsində məlumat verib. Nazir bildirib ki, dövlətin kinoya ayırdığı 5 milyon manat yalnız kinoya və onun inkişafına sərf ediləcək. “Yeni filmlərin çəkilməsi üçün isə biz kino senari müsabiqəsi elan etməkdən başlamağı planlaşdırırıq. Müsabiqə nəticəsində seçilən senarilərə film çəkiləcək”.

Xatırladaq ki, ölkə başçısının 1 mart 2019-cu il tarixli sərəncamına əsasən, dövlət sifarişi ilə film istehsalını və gənc kinematoqrafçıların yaradıcılığının dəstəklənməsi ilə bağlı layihələrin həyata keçirilməsini təmin etmək məqsədi ilə Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Mədəniyyət Nazirliyinə 5 milyon manat ayrılıb.