Bakıda xəstəxanadan özünü atmaq istəyən cinsi azlıq nümayəndəsi imiş - TƏFƏRRÜAT

Bakıda xəstəxanada baş verən intihara cəhdin təfərrüatları məlum olub.

Xəstəxanadan Lent.az-a verilən məlumata görə, intihara cəhd edən şəxs cinsi azlıqların nümayəndəsidir. Belə ki, o, xəstəxanaya gedərək əməliyyat olunmaq istədiyini deyib. Həmin şəxsə izah olunub ki, 3 saylı şəhər xəstəxanası onun istədiyi əməliyyatı həyata keçirə bilmir. Ona bu əməliyyatı həyata keçirə biləcək xəstəxanalarla bağlı ətraflı məlumat da verilib. Lakin buna baxmayaraq həmin şəxs həkimləri təhdid edib və etiraz olaraq intihara cəhd edib.

Xəstəxanaya çağırılan hüquq-mühafizə orqanlarının əməkdaşları onu fikrindən yayındıra bilib.

***

saat 15:42

Bakıda gənc qızın harada intihara cəhd etməsi məlum olub.

Lent.az bildirir ki, sosial şəbəkələrdə hadisənin Sabunçu rayonunda yerləşən 3 saylı Şəhər Klinik Xəstəxanasında baş verdiyi bildirilir.

Belə ki, gənc qadın özünü pəncərədən atmaq istəyib.

***

Saat 15:15

Bakıda intihara cəhd edən qız xilas edilib.

Lent.az xəbər verir ki, bu barədə görüntülər sosial şəbəkələrdə yayılıb.

Görüntülərdə binanın ikinci mərtəbəsindən asılı vəziyyətdə qalan qız polis əməkdaşı tərəfindən xilas edilir.