“Volkswagen”in yeni markası Scout Motors ilk elektrik avtomobillərini təqdim etdi

“Volkswagen”in ABŞ-a yönəlmiş yeni markası Scout Motors, ilk iki retro dizaynlı, yolsuzluq yönümlü və elektrik modelini təqdim edib.

Lent.az xəbər verir ki, “Volkswagen”, yalnız ABŞ bazarına fokuslanaraq, yeni Scout Motors markası ilə elektrikli avtomobil sənayesinə iddialı giriş edib.

Markanın ilk iki modeli, “Traveller SUV” və “Terra” pikap, yolsuzluq imkanları və retro dizaynları ilə diqqət çəkir.

1960-70-ci illərin məşhur Scout modellərindən ilhamlanan Traveller və Terra müasir texnologiyanı klassik dizaynla birləşdirir.

Hər iki model yolsuzluq üçün xüsusi olaraq hazırlanmış şassiyə, möhkəm arxa oxa və ön və arxada kilidləmə diferensiallarına malikdir.

Scout Motors bildirir ki, onun elektrik mühərrikləri dörd təkər ötürücü sistemi vasitəsilə 1355 nm fırlanma anı hasil edəcək və “Traveller” və “Terra” 0-100 km/saata təxminən 3,5 saniyəyə çatacaq.

Hər iki modelin təxminən 560 km məsafə qət edəcəyi gözlənilir. 800V elektrik arxitekturasında qurulan avtomobillər 350kVt-a qədər sürətli şarjı dəstəkləyəcək və iki istiqamətli doldurma xüsusiyyətinə sahib olacaq.

Tam elektriklə işləyən avtomobilə keçməyə hazır olmayanlar üçün Scout Motors hər iki modelin məsafəni 800 km-dən çox artıracaq uzun mənzilli versiyalarını da təklif etməyi planlaşdırır.

“Traveller”in çəkisi 3175 kq, “Terra”nın çəkisi 4536 kq olsa da hər iki model demək olar ki, bir ton faydalı yük daşıya bilir.

Hər iki model demək olar ki, bir metr dərinliyində suyu keçə biləcək. Scout Motors bildirir ki, avtomobillərin proqram təminatı modul şəkildə yaradılacaq ki, hər bir sahə uzaqdan yenilənə bilsin.

Bu funksiya avtomobillərin real vaxt diaqnostikasına imkan verəcək və müştərilər üçün mümkün qədər uzun müddət yenilənəcək.

Scout Motors “Traveller” və “Terra” modellərini 60 min dollardan aşağı qiymətə satışa çıxarmağı hədəfləyir.

Bildirilir ki, təşviqlərlə bu qiymət 50 min dollara qədər enə bilər.