“SpaceX” şirkəti raket buraxılışlarını izləmək üçün 10 peyki olan daşıyıcı raketin buraxılışını həyata keçirib.
Lent.az-ın məlumatına görə, bu barədə Pentaqonun Kosmik İnkişaf Agentliyinin (ACR) bəyanatında deyilir.
Bildirilir ki, buraxılış əvvəlcə martın 30-na planlaşdırılsa da, texniki səbəblərə görə təxirə salınıb. Nəticədə “Falcon 9” reaktiv daşıyıcısı Vandenberq Hərbi Hava Qüvvələri bazasından (Kaliforniya) yerli vaxtla saat 07:29-da (Bakı vaxtı ilə 18:29) buraxılıb.
Qeyd olunur ki, ABŞ ordusunun raket buraxılışlarını izləmək üçün yaratdığı peyklər qrupuna daxil ediləcək ilk 10 aqreqat Yer kürəsinin aşağı orbitinə çıxarılıb. Bu peyklərin sayı 28-ə çatdırılacaq.
Peyklər planetdən 1000 km məsafədə yerləşəcək və Pentaqonun maraqlarına uyğun işləyəcək: onlar raket buraxılışlarını izləyəcək, rabitəni təmin edəcək və hədəf təyini üçün məlumatları ötürəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
