İsti hava "iPhone"ni necə zədələyə bilər? - Təhlükəli soyutma üsulları

Sığorta şirkəti Protect Your Bubble-ın eksperti Ceyms Braun bildirir ki, telefonlar 0–35°C temperatur diapazonunda işləmək üçün nəzərdə tutulub. Bu həddi aşdıqda cihaz özünü qorumaq üçün müvəqqəti sönə bilər.

Lent.az bu məlumatları təqdim edir:

“İsti havada cihaz çox qızaraq batareyanın ömrünə mənfi təsir edə bilər və müvəqqəti olaraq sönə bilər" deyə Ceyms Braun vurğulayır. Telefonu sürətlə soyutmaq üçün soyuducuya qoymaq, ilk baxışdan təsirli görünsə də, əslində daxili komponentlər üçün ciddi təhlükə yaradır. Soyuducudan çıxarıldıqda isti hava ilə təmas nəticəsində cihazın içərisində kondensat yaranır. Bu isə qısaqapanma və ya hissələrin korroziyası ilə nəticələnərək cihazın tam sıradan çıxmasına səbəb ola bilər. Bundan əlavə, aşağı temperatur litium-ion batareyalara ziyan vurur, onların məhsuldarlığını və tutumunu azaldır.

iPhone-ni təhlükəsiz soyutma üsulları
İsti havada cihazınızı riskə atmadan soyutmaq üçün mütəxəssislər aşağıdakı təhlükəsiz üsulları tövsiyə edirlər:

Telefonu günəşin birbaşa şüalarından uzaqlaşdırmaq;

Korpus və qılıfı çıxararaq hava dövranını yaxşılaşdırmaq;

Cihazı sərin, kölgəli yerdə qoymaq;

Ehtiyac olmadıqda ağır tətbiqləri və ekran parlaqlığını minimuma endirmək;

İstilik artdıqda telefonu bir müddət söndürərək istirahət etdirmək. Mütəxəssislər vurğulayırlar ki, soyuducu və dondurucu telefonunuzu soyutmaq üçün heç vaxt seçim olmamalıdır belə üsullar cihazın uzunömürlülüyünə ciddi ziyan vurur.